Maharan da suka kitsa Harin Bom a Jos da
Zaria sun ce naira dubu dari biyar aka ba su
domin kashe Shugaban Majalisar Malamai
na Kuniyar Izala na Kasa Sheik Malam Sani
Yahaya Jingir.

Sun bayyana haka ne jim kadan bayan
kama su da Rundunar Sojojin kasar an ta yi
jiya a Gombe.

"Ali yana cikin Dajin Sambisa shine ya ce mu
je mu kashe Yahaya Jingir kuma ya ba mu
kudi Naira Dubu Dari Biyar , amma
Abubakar shine ya san komai a cikinmu
mun je da Bom da kuma bindiga amma mai
bindigar ya mutu" inji daya daga cikin
Maharan.

Shi kuwa direban na su ya ce bai san komai
ba, shi dai an ba shi dubu goma aka ce ya
kai su Jos da Zaria idan suka kammala
abinda za su yi ya dawo da su ya sauke su
a inda ya dauke su, wato kan hanyar shiga
MaiDuguri.

Saidai daya daga cikin maharan ya karyarta
Direban na su, inda ya ce babu abunda bai
sani ba domin tare suke aiwatar da komai
da shi.

Shugaban nasu mai suna Abubukar bai
samu damar furta komai ba kasancewa
Raunin dake Kafarsa dalilin harbin Bindiga
ya hanashi cewa
komai.

Rundunar Sojojin Nijeriya dai sun kama
maharan ne a jiya tare da hadin gwuiwar
jami'an tsaro na farin kaya SSS a garin Deba
karamar Hukumar Yamaltu dake Jihar
Gombe a daidai wani shingen binciken
ababen hawa.