Shugaban kasa Muhammadu Buhari ya
daukarwa 'yan Nijeriya da kungiyar masu rajin ganin an kwato 'yan matan Chibok da
kungiyar Boko Haram suka sace, wadda aka fi sani da Bring Back Our Girls (#BBOG) alkawarin kawo karshen 'yan kungiyar Boko Haram , inda a cewarsa rundunar
sojoji na shirin fitar da dabarun nasara kan 'yan ta'addan.

Buhari wanda ya gana da kungiyar ta BringBagOurGirls a fadarsa da ke Villa a jiya, ya kara da cewa sojojin na Nijeriya tare da
hadin gwuiwar takwarorinsu na kasashen da ke makwabtaka da Nijeriya za su fara farautar 'yan kungiyar ta Boko Haram a karshen watan nan.